Mundart • Geschichten Ich kann mir durchaus vorstellen, dass es das in anderen Ländern auch so geben könnte. Oder nein, genau genommen weiß ich es: Es ist wohl die normalste Sache der Welt, dass Leute in der einen Ecke eines Landes anders reden als die in einer anderen. Für uns hier in Deutschland ist das besonderes ohrenfällig bei den Menschen in den Landstrichen, grob gesagt, um Hannover, Bremen, Kiel. Nicht selten habe ich es aus solchen Mündern gehört, sie sprächen ja wohl das schönste, richtigste, beste Deutsch. Manche sagen das im Spaß, andere meinen es so – in vollem Ernst. Ganz zu schweigen von denen, die glauben, überhaupt nur das sei gesprochen, alles andere sei nur eine Übergangsphase zwischen Urwaldlauten und Stammelversuchen. Ja, das gibt’s. Lassen wir sie in ihrem Glauben. Wer es nötig hat, sich auf darauf was einzubilden, ist schon genug gestraft. Aber ich bin ganz sicher: Auch in diesen Gegenden gibt es überwiegend normale Menschen. Die reden so, weil sie so reden, und nicht um zu beweisen, dass sie was Besseres sind. Das einzig Dumme dabei: Es braucht meistens seine Zeit, bis man weiß, welche Sorte man im Augenblick vor sich sieht.  Von den Problemen, die es mit sich bringen kann, wenn solche Menschen zu uns ins Saarland kommen, handelt diese Geschichte. Unn gradselääds: Nää Und nun gerade: Nein – 1995 Forr de Kurt Jungmann Wer wolld schunn vun sisch behaubde, er däad die Fraue kenne. E Mann mòò nidd, má wääs, Männer liije nidd. Awwer machd jòò ach niggs, weil die Fraue sisch jòò meischdens ach selbschd nidd váschdehn. Gudd, awwer fròò'e wolld isch, wivvel Bligge e Fraa vádraad. Nää, nidd irjendwelsche. Genauer also: Wivvel Bligge vádraad se, wenn de Herr Gemahl leischd nääwe dá Kabb die nei Nachbarin aanhimmeld? Beim Kurd waa's e Bligg sevill. Unn's Helma had's gemergd. Im Grund waa's sunschd niddemòò so aarisch eifersischdisch, awwer awwei... Näwe demm härgeloffene Nordlischd dòò waa's em nidd ään Duun. Unn sei Kurdi so uffällisch unschullisch, uff äämòò waa e Finksche Misdraue dòò - unn had nidd lang gebrauchd, forr e rischdisch scheenes Fläggersche se werre. Gischder Middaa, wie die Weld noch in Ordnung waa, dòò had's Helma die Fraa sogaa zu Grumbiergneedel inngelad, weil se unmeeschlisch koche kunnd zwische de Umzuuchskischde. Bloos - wie se am Disch groose Teen schbuddse wolld unn wie de Kurt um se rumgegoggeld is ... Es Helma waa froh gewään, wie das Mensch die Diir vun drause zugemachd had. Awwer wie de Deiwel will, waa se rá midsamd em Kurd widder iwwer de Wääsch gelaaf. Ännfach unverschämd, wie das Weibsmensch dòò geschdann had, rischdischer gesaad, dass es dòò geschdann had. Musch dá vòòrschdelle: Schdehd dòò unn schwäddsd hochdeidsch - unn wie se schwäddsd. Dòòdebei - so hädde annere gesaad - had se's wohl gaanidd bees gemennd; Norddeidsche schwäddse so. Awwer bei deraadische GIäng schlaan Saalänner unwillkiirlisch die Hagge sesamme, mòò wennischdens innerlisch. Beim Helma waa's heid annerschd - 's waa jòò vòrgewaand. Schunn glaa, Bladd kann's mid so 'me Hochdeidsch schwärlisch uffnemme. Awwer das waa'm schnurds unn had's heegschens noch gifdischer gemachd, wenn ach forr's eerschde nur innewensisch. Desweeje had ach die anner niggs gemergd vun demm Gewidder, wo dòò uffgezòò is.. Se had sogaa vásuchd, em Helma unn em Kurd e bisje scheen se schwäddse, forr gudd Wedder se mache. "Schöne Kartoffeln haben sie dá im Korb", had se gans scheinheilisch losgeleed. "Du dumm Drooschel", had's Helma bei sisch gedenkd, awwer laud had's gesaad: "Nä, Grumbiere!" Die anner had geschduddsd, sisch dann awwer gefasd unn weider gefleed: "Ach. dá gibt es wohl wieder Klöße bei den Jungmanns?" Es Helma musd känn Auebligg iwwerleeje: "Nä, Gneedel!" Awwer die had noch nidd genuch gehadd: "Stimmt es, dass man dazu rohe und gekochte Kartofteln zu gleichen Teilen nimmt?" Nochmòò had's Helma dief durschgeòòdemd, dann had's serigg'geblaffd:"Nää, halb unn halb!" Dòò hann's die annere zwei aach gemergd, dass ebbes nidd juschd waa. Die Nachbarin is blass worr, de Kurd rod. Unn alle zwei hann unner sisch geguggd wie's Kind beim Dregg. Awwer nidd Iang. Es Helma had sisch sei Kurdi geschnabbd, had die Fraa schdehn geloss wie beschdelld unn nidd abgeholl unn is fordgeschdiwweld, so schdigger e halwer Kobb greeser wie devòr, minnischdens. Wer Arbeit sucht, findet auch welche. Aber heute will ja keiner mehr was arbeiten. Die Qualität der Arbeit ist auch noch unter aller Sau. Nur wenn's ums Geld geht, halten alle die Hand auf. Ich habe nicht mitgezählt, wie oft ich sowas schon gehört habe. Von Leuten, die es (ihrer Ansicht nach) wissen müssen, wenn auch niemand so richtig erklären kann, wieso und woher. Wie es mit Elfie ging, das habe ich allerdings aus nächster Nähe miterlebt. Scheen bleed Schön blöd - 1999 Uff das Geld waa's Elfie aangewies. De Heinz waa aawedslos, dòò had's sowisso schunn hinne unn vòòre nidd gereischd. Aus seinem Beruf waa's eewisch raus. Dòò musd ma inzwische gans annere Sache kinne wie dòòmòòls. Fordbildung? Ei wie dann? Es Elfie had Geld gebrauchd, je eher, je besser. Ei sischer, beim Aawedsamd waa's aach mòò gewään. Der freindlische Mensch dord had'em erglärd, warum em's Aawedsamd känn Ausbildung bezahle kunnd. Das ware gans wischdische Grind. Hie hann e paa Monad gefähld, dòò e Bescheinischung, unn dord is es em immer noch vill se gudd gang. Es waa nidd bees gemennd awwer es waa hald niggs se mache. Was nidd gehd, gehd nidd. Dòò waa's dann froh, wie's e Billisch-Job gefunn had bei me Raumreinischungs-Service, ohne Vásischerung, awwer bezahld in baa. Um vier is es also vum Firmenbus bei da Insaddsfirma abgeseddsd worr, um siwwe had á's widder abgeholl. Es Elfie had sei Aawed gudd gemachd, sauwer, grindlisch unn mid Váschdand. Die Leid in denne Bürros ware hochsefriede. Ääs had an Schdelle sauwer gemachd, wo seid Jòhre känn Bäsem unn känn Labbe meh hinkumm waa. Wenn die Leid gang ware, had's ach noch die Kaffeetasse geholl, geschbiild unn sauwer uff die Schreibdische seriggeschdelld. Se hann sisch ball aan's gewehnd, ääs had äänfach dezugeheerd. Ab unn zu had's e Schachdel Braline genn odder so ebbes. Unn wenn se Gelejehääd gehadd hann, dann hann se ach mòó vázehld devunn, wie gudd se's mid em gedroff hann. Awwer das hädde se besser geloss. Es Enn is kumm wie e Blidds aus heiderem Himmel. Die Firma, wo's gebuddsd had, is nämlisch gewechseld zu me billischere Raumservice. Es Elfie waa ännfach se gudd gewään, se fleisisch, se sorschfäldisch. Es Elfie hadd ääns nidd geahnd: Die Leid, wo so sefriede ware mid em, die hann jòò niggs se saan gehadd. Die Vádrääsch hann annere Schdelle abgeschloss, irjendwo dòò owwe. Die hann eewe uff de Breis geguggd. Unn naddiirlisch dòòdruff, dass jemand vill iwwerisch Zeid hann muss, wo sisch so ins Zeisch leed. Guddi Aawed, schleschdi Aawed, das is denne zehn Meder sunschdwo vorbeigang. Billischi Aawed had's misse sinn. Das hädd's Elfie vorhär wisse solle. Dòò hädd sisch's kinne druff inrischde. Wenn's unbedingd muss sinn, gridd má jòò mansches hin, zum Beischbiel ach schdruddele schdadd schaffe. Wenn das so gewolld is, gridd má in dá gleisch Zeid ach dobbeld so vill Zimmer hin. Frihjer hädd's Elfie gemennd, das wär beschiss, jedds hann se'm was anneres beigebrung. Es waa schlauer worr. Awwer jedds waa's hald leider se schbääd. Scheen bleed waa's gewään. Ehrlisch, fleisisch unn scheen bleed. Awwer dòòdemid waa's jòò nidd allään, odder? Odder? Odder was mennschd du? Das weiß doch jeder: Nicht für die Schule lernen wir, sondern für das Leben. Und das, was man in der Schule lernt, das hat mit dem Leben so gut wie gar nichts zu tun. Das bedeutet: Das richtige Leben wartet auf die Cleveren und nicht auf diejenigen, die in der Schule zu den Guten oder gar den Besten gehörten. Und so gibt es immer wieder mal was zu erzählen, wenn ein früherer Klassenkamerad, den es in die weite Welt verschlagen hat, zu einem Besuch in die Heimat zurückkehrt. Eerschdens kummd's annerschd... Erstens kommt es anders… - 1995 Ei wie?! So lang waasch' du nim'meh hie dehemm? Dann wääsch de jòò gaanidd, was hie so alles passierd is mid unsere alde Schulkamerade. Wääsch de noch, wer in unserer Glass de Beschde waa? Genau, de Kuhlmayer-Rainer, der alde Schdreewer. Wääsch'de noch, wie der immer gebluddsd had, forr nur jòò de Beschde se bleiwe? Wem'mir schunn lang Raiwer unn Schandaam geschbield hann, dann waa der immer noch am Lerne unn Iiwe. Unn Noode had á gehadd; dòò ham'mir niddemòò gedräämd devun. Immer han se ne uns als Vòrbild unner die Nas geriwweld. All hann se gesaad: Aus demm dòò gebbd mòò ebbes. Hann se gesaad. Isch wääs es noch wie heid. Jòò, unn dann es gladde Gejedääl, de Bauer-Fredi. Immer de Ledschde, vun Aanfang aan. Waa schunn sowisso nidd aarisch hell im Gnause - unn dezu noch schdragg bis dordnaus. Die Aufgawe morjns in dá Schul dabber abgekääsd odder had eewe gesaad, er had's Hefd vagess. Middaas immer schunn erum geschdromerd, wem'mir noch forr die Schul geschaffd hann. De eerschde aus dá Glass, wo geflubbd had, de eerschde wo gesuff had. Mid dreizehn schunn in Filme ab achzehn. Sisch mid de Weiwer wääs Godd wo rumgedriggd. All hann se gesaad: Aus demm dòò gebbd mòò nie ebbes. Unn wenn ihr nidd schbure, gehd's eisch grad so; dann kinne ná Schdròòsekehrer genn. Hann se gesaad, weil das dòòmòòls es Schlimmschde vum Schlimme waa. Isch wääs'es noch wie heid. Nur gudd, dass má als uffgegläärder Mensch wääs, was má vun so Vòraussaache se halle had. Schulschlau, das is sie ään Sach. In dá Schul kam’má leischd em Pauger sei Liebsche sinn. Awwer im Läwe zu ebbes se kumme, dòò brauch má annere Fähjischkääde. Dòò schbield’s känn Roll, was vòrausgesaad werd, dòò zähld nur die eschd Leischdung. Das waa uns dòòmòòls schunn glaa. Es is so unn es bleibd so: Im rischdische Läwe kummd's eewe doch als aarisch annerschd wie má denkd. Unn mid demm fleisisch Rainer unn em faule Fredi is es aa so kumm. Grad die Daache hann isch geheerd: Schdròòsekehrer - wie die schlaue Leid gemennd hann - is de Fredi nämlisch nidd genn. Der doch nidd! Nä, gugg mòò dòò driwwe, der neie groose Subbermaagd! Das is jedds em Fredi seins! Dòò had de Fredi jedds de Paagbladds unner sisch. Guggd, dass die Leid rischdisch inpaage, dass känner dòò paagd, wo nidd ach in de Laade kaafe gehd. Fahd die lääre Inkaafswäänscher vum Paagbladds in de Lade. Kehre muß'á nidd ofd, das machd die Reinischungsfirma, meischdens jedefalls. Jòò, unn de Kuhlmayer-Rainer, der alde Schdreewer, dòò sisch’e aa: Uff niggs kannsch'e disch válosse. Der is jedds Brofessor, waa die gans Zeid Scheffaazd im Greisgranggehaus. Awwer vòr me halwe Johr had'á sei eischni Briwadglinnigg uffgemachd. Alles nur vum Feinschde, alles nur forr schdinkreische Leid. Unn wie má heerd, had'á ach noch e Pille-Fabrigg, finf Buudigge unn e Fiddnesszender. Wääsch de noch: Mir hann immer gemennd: Eerschdens kummd's annerschd unn zweddens wie má denkd. Má válossd sisch druff, dass es Reeschele gebbd unn dass sisch e Läwe e bisje an die Ordnung halld. Awwer was is? Manschmòò kummd's ach annerschd als annerschd. Unn es soll sogaa schunn vòòrkumm sinn, dass es noch annerschd kummd. Annerschd gesaad: Die Weld is doch so ebbes vun ungereschd.